Biblioteca C.E.I.P. Campomaior

FOTOS, LIBROS, PELIS E DEMÁIS

2008-10-25T23:23:00.003+02:00

E AQUÍ VAN O RESTO DAS FOTOS. NESTE CASO OS AGRADECEMENTOS VAN PARA MARÍA E PAZ SANTISO ANDRADE DO VIDEO CLUB "HOLLYWOOD" DA CORUÑA POLA CESIÓN DAS FOTOS DOS ACTORES E ACTRICES. E AGRADECER TAMÉN A TODOS OS MESTRES E MESTRAS DO COLEXIO, ÁS FAMILIAS E A TODOS AQUELES QUE APORTARON MATERIAIS PARA ESTA EXPOSICIÓN. GRAZAS DE CORAZÓN!!

OS NOSOS CARTEIS... DE CINE

2008-10-25T23:06:00.001+02:00

XA ESTÁ LISTA A NOSA EXPOSICIÓN. AQUÍ VEDES OS CARTEIS DAS PELÍCULAS. TEMOS QUE AGRADECER A "YELMO CINEPLEX" DA CORUÑA E AO CENTRO GALEGO DAS ARTES DA IMAXE (CGAI) POLO EMPRÉSTITO DOS MESMOS. ASÍ QUE XA SABEDES... HAI QUE COIDALOS!!

DÍA DA BIBLIOTECA ESCOLAR

2008-10-10T15:37:00.003+02:00

"LE... E VÉN AO CINE"

Dende o equipo da biblioteca convidámosvos á nosa exposición de cine e literatura a partires do vindeiro día 24.
Na entrada do colexio teredes a oportunidade de ver todo tipo de libros, cómics e novelas que foron adaptadas ao cine. Haberá tamén fotos de actores, revistas e carteis de películas moi coñecidas.
Esperamos que vos guste e que a disfrutedes.

CELEBRAMOS AS LETRAS GALEGAS

2008-06-05T11:51:00.002+02:00

Durante a semana do 11 ó 16 de maio, o ENDL e o Equipo de Biblioteca organizaron varias actividades para celebrar a Semana das Letras Galegas. Aquí recollemos algunhas fotos de cada unha delas.

Abraham Carreiro ensinounos como ilustra os seus libros:

Marisa Irimia fíxonos desfrutar contándonos contos

Os profes e as mamás tamén se animaron a contar, e contar...

e para rematar... unha sesión máxica co...¡MAGO RAFA! lembrádesvos?

AGRADECEMENTO DE LILIANA E BETTY DA ONG MESTURA

2008-05-28T15:53:00.003+02:00

Liliana e Betty mandáronnos unha carta para publicar no blog. Aquí a tedes para todos vos:

"Dende a asociación Mestura, queremos agradecer a acollida que tivemos por parte de TODO o C.E.I.P. Campomaior. Dende o primeiro día que chegamos puidemos sentir e por suposto observar o enorme cariño co que se traballa dende alí. E un sentimento moi bonito ver a docencia en estado puro, esa mestura de vocación, interese, profesionalidade e ilusión. Pensamos que quizabes se mais persoas entenderan deste xeito tan fermoso o proceso que estamos a vivir no noso entorno, nas rúas, nas aulas... de aprendizaxe mutuo, e non como un problema, todo resultaría mais doado xa que este mundo intercultural é o que os nosos nenos e nenas teñen que redescubrir posto que é o mundo no que xa de feito estamos a vivir. ¿Non si?.

Grazas a todas e a todos por facer a nosa labor mais sinxela, foi altamente satisfactorio comprobar como os pequechos e pequechas descubrían historias como “Hombre de color” o “Kofú, o neno de chocolate”. Tamén rimos cos mais maiores xogando (que é o que todos os nenos e nenas deberían poder facer) a xogos de diferentes partes do mundo: Marrocos (gracias pola axuda na fonética), xogos de Arxentina..., e descubrimos que en realidade non somos tan diferentes.
Moito ANIMO! pensamos que este é o camiño."
Liliana e Betty. Monitoras de Mestura.

¿SOMOS DIFERENTES?

2008-05-15T16:56:00.020+02:00

Ola, amigos!

Aquí estou outra vez disposto a ensinarvos un pouquiño de todas esas actividades que fixemos dende xaneiro ata abril relacionadas co Proxecto sobre a Interculturalidade.

Comezaremos cunha pequena presentación do Proxecto que poderedes ver clicando aquí.

Agora iremos vendo como fomos desenvolvendo cada unha delas:

Primeiro colocamos un mapamundi na biblioteca e pegamos as fotos d@s compañeir@s que proceden doutros países, e...¡menuda sorpresa, contamos 32 compañeir@s inmigrantes! ¡e de nada menos que de 12 países diferentes: China, España, Portugal, Brasil, Rusia, Venezuela, Arxentina, Colombia, Perú, Uruguai, Suiza e Marrocos!¡uf, canto imos aprender!...

A continuación distribuimos os países polas aulas e en total elaboramos 12 libriños informativos, un por cada país traballado. Ides ver as portadas e algún detalle de cada un deles, mais, xa sabedes, se os queredes ver enteiros non tedes máis que pasar pola biblioteca, alí os tedes todos á vosa disposición.

Ó mesmo tempo fomos elaborando o "Libro viaxeiro" no que cada aula representou o máis salientable do país que estaba a traballar.

E durante 6 semanas todos participamos no "concurso cultural". Así aprendimos a buscar información e a descubrir datos importantes doutros países e culturas.

Liliana e Betty (pertencentes á ONG MESTURA) contáronnos e ensináronnos contos e xogos do mundo. Nas fotos seguintes veredes como disfrutamos escoitando "Hombre de color", facendo "voladeras" (xogo típico de Arxentina) e xogando a xogos como ivanka (xogo popular ruso), estatuas de sal (de Uruguai), o indio (de Venezuela), Sebajá Layur (de Marrocos, rei dos mundos (de Colombia) e alerta (de Brasil).

Do 21 ó 30 de abril tivemos no cole varias exposicións:

DE TRAXES TÍPICOS DE CADA PAÍS: Aportados polo bailarín Juanjo Liñares coa colaboración do Concello de Ordes (estes traxes, xunto con 700 máis, formarán parte do futuro Museo que o Concello está a preparar no Campo da Feira do pobo). Tamén contamos coa colaboración de Vilma Cóndor, veciña peruana que aportou traxes e produtos da súa propiedade.
A continuación podedes ver dúas fotos: unha da exposición sola e outra da exposición cos nen@s estranxeir@s do cole. Ademáis tedes unha pequena presentación dos traxes un a un.

DE PRODUTOS: A maioría mercados polo equipo de biblioteca, mais tamén con aportación de varias familias (Vilma Cóndor, Laura Alaimo, Coty, Saray)e profes do centro (Marta Costa, Pilar Sánchez)

DE LIBROS: de aventuras, consulta, cociña, revistas...

Manolo, o noso profe de música (coa colaboración de Alfonso Guerra)escolleu e recopilou nun CD unha obra musical representativa de cada país traballado. Escoitando estas pezas, entrabamos, saiamos e cambiabamos de actividade no centro durante o tempo que duraron as exposicións.

Elaboramos invitacións para toda a comunidade educativa, centros de ensino do concello, representantes do concello... e...¡que sorpresa! visitounos o alcalde (Manuel Regos), acompañado da teniente alcalde e algúns concellais, a prensa e ¡ata a TVG!.

GRAZAS A TODOS/AS POR ACOMPAÑARNOS NESTA VIAXE!

POEMAS DE 4º B

2008-02-15T20:13:00.003+01:00

As nenas e nenos de 4º B escribiron varios poemas polo día dos namorados. Se os queredes ler, atoparédelos no "Club de escritura"

14 DE FEBREIRO: "DÍA DOS NAMORADOS"

2008-02-13T22:50:00.005+01:00

Hoy (14 de febrero) dicen que es un día especial para los enamorados.
¿Sabeis, niños, que los animalitos también se enamoran y tienen sentimientos muy muy fuertes en sus corazoncitos?
Para que lo comprobeis, ahí os dejo una poesía que habla de lo que ocurrió entre dos de ellos. Espero que os guste.

Valentina y Florentino

Después de un largo vuelo,
el canario Florentino
se paró a descansar
en las ramas de un olivo.

- Catacroá, croá, croá-.
Una suave y dulce voz
le llegó a sus oídos,
cautivó su corazón.

Sin pensarlo respondió:
- Pío, pío, piripipí-.
Sus patitas le temblaban
- ¿Se fijará en mí?-.

Allá abajo en la charca,
Valentina lo escuchó
y con cierto disimulo
hacia arriba miró.

Al saberse observado
Florentino se alteró,
no sabía lo que hacer...
¡Son las cosas del amor!

Croá, croá, Valentina
Florentino, pío, pí,
traducido a nuestro idioma
Yo te quiero y tú a mí.

Si bonito es el amor
entre caballero y dama,
más tierno aún lo es
entre canario y rana.

Un saúdo de Escriman, un bo amigo escritor de Leo.

ANTROIDO "INTERCULTURAL"

2008-02-06T14:48:00.000+01:00

Como podedes ver na seguinte presentación, cos disfraces de antroido deste ano comezan as actividades do proxecto sobre a interculturalidade da biblioteca: "¿Somos diferentes?".
Se mirades ben, atoparedes exipcios/as, mexicanos/as, chinos/as, esquimós, indios/as e vaqueiros/as, zíngaras, hawainas/os, árabes... todas e todos disfrutando por igual.

30 DE XANEIRO: DÍA DA PAZ

2008-01-30T17:11:00.000+01:00

Hoxe celebramos o Día da Paz. Adornamos a entrada co mural realizado polas profes e nenas/os de educación infantil, titulado "Un mundo de igualdade" no que se reflicte a interculturalidade tan presente no noso cole:

Xuntámonos todos no patio cuberto. Algunhas nenas e nenos de educación infantil recitáronnos esta poesía:

Non importa a nosa cor,
a nosa raza ou relixión.
Imos xuntar as mans
e a cantar unha canción.

Déixame que eu te mire
só co corazón,
para os ollos dos nenos
a bandeira é o AMOR.

Quero sentarme ó teu lado,
quero xogar ó balón.
Falamos na mesma língua
se estamos xuntos os dous.

Mans brancas, pel marrón,
compartindo unha ilusión:
todos moi xuntos
na mesma nación.

As nenas e nenos do 1º ciclo, representados polos/as alumnos/as estranxeiros destas aulas, tamén recitaron unha poesía:

Pecharei os ollos
contarei ata tres,
cando os abra
que atoparei?

Un ceo celeste
cun sol brillando,
xardíns con flores
e paxaros voando.

Pecharei os ollos
contarei ata tres,
cando os abra
¿que atoparei?

Parques con árbores
e nenos xogando
camiños coidados
con xente paseando.

Pecharei os ollos
contarei ata tres,
cando os abra
¿que atoparei?

Persoas distintas
convivindo en PAZ
nun mundo cheo
de AMOR e "AMISTAD".

Os/as alumnos/as do 2º ciclo agasalláronnos co "Decálogo da PAZ":

1º: Ti es alguén importante, ¡QUÉRETE!

2º: Tes moitos compañeiros e amigos, ¡VALÓRAOS!

3º: Temos moitas cousas en común, ¡DESCÚBREAS!

4º: Respeta as opinións dos demais, ¡DIALOGA!

5º: Trata de comprender ós outros, ¡ESCOITA!

6º: Esfórzate no teu traballo, ¡DISFRUTARÁS!

7º: Sé responsable, ¡NECESITÁMOSTE!

8º: Traballa en grupo, ¡UNIÓN É FORZA!

9º: Comparte cos demais, ¡SERÁS FELIZ!

10º: Pon PAZ dentro de ti, ¡HABERÁ PAZ Ó TEU REDOR!

e os do 3º ciclo, léronnos unha frase, primeiro nos idiomas das distintas comunidades españolas
e despois nos distintos idiomas dos alumnos e alumnas estranxeiros do colexio:

"Debemos camiñar todos xuntos cara a PAZ ou non a atoparemos".

E xa para rematar, todos xuntos cantamos a canción "Unha man amig0":

Abre as portas da casa, amigo
Abre as portas, Quero entrar.
Traio a alma e o corpo fríos.
Noite pecha comigo vai.

Cansa a alma e o corpo frío
Leito e lume veño buscar.
Abre as portas da casa, amigo.
Abre as portas quero entrar.

Neve mesta o vento fende.
Carambelo as vagaos se fan.
Lobos mouros de brancos dentes,
Sempre máis cerca sinto ouvear.

Non me deixes soio na noite,
Non me deixes mudo o cantar.
Berra ti, que o teu canto escoite
Dáme forzas no meu fraquear.

Logo, a alba, partirei cedo,
E esta noite non hei sembrar.
Dáme a man que hoxe teño medo,
Dáme a man e déixame entrar.

FESTIVAL NADAL

2008-01-24T19:17:00.000+01:00

Tal e como estades pedindo últimamente, aquí tedes algunhas fotos do festival de nadal. Leo.

RECOMENDACIÓNS DAS NENAS E NENOS DE 3º

2008-01-21T18:44:00.000+01:00

As nenas e nenos de 3º xa se animaron e nos enviaron os títulos dos seus libros preferidos. ¿Queredes saber cales son?, pois picade en "Leo recomenda".

FELICES FESTAS!!! CHEGA O NADAL

2007-12-12T16:23:00.000+01:00

Como todos os anos por estas datas adornamos a entrada do cole cun mural relacionado co Nadal. Desta vez os/as encargados/as foron os integrantes do primeiro ciclo de primaria, tanto profes como alumnos/as. E xa que estamos fomentando a reciclaxe aquí queda unha breve mostra das nosas habilidades coas mazorcas de millo...

CLUB DE ESCRITURA

2007-12-12T16:17:00.000+01:00

Mirade, mirade... as nenas e nenos de 4º B estanse a converter nuns grandes escritores!

PRIMEIROS ESCRITOS

2007-12-03T17:40:00.000+01:00

As rapazas e rapaces de 4ºB xa se animaron a escribirlle a Leo. Desta vez fixéronnos uns autorretratos. Podedes lelos no Club de escritura.

25 de novembro: Nós tamén dicimos ¡BASTA!

2007-11-25T22:12:00.000+01:00

Neste día no que se celebra o Día Internacional da Non violencia contra as mulleres, queremos reflexionar sobre iso. E un xeito de facelo é a través dos contos, que nos contan historias de cada día, nas que se emprega a violencia contra as mulleres dunha maneira cotiá, moitas veces sen nos decatar.
Gustaríanos non ter que celebrar un día coma este.
Gustaríanos que nenos e nenas se relacionasen sen que a diferenza de sexo marcara nada importante.
Gustaríanos que homes e mulleres falaran, falaran e falaran para resolver os seus desencontros, como lles obrigamos a facer na escola aos nenos e ás nenas.
Gustaríanos que cada quen soubese onde rematan os seus dereitos e onde comezan os da persoa que ten á súa beira.
Gustaríanos que ninguén usase a súa forza nin física, nin laboral, nin económica… contra as mulleres para conseguir os seus propósitos.
Gustaríanos que no vindeiro 25 de novembro homes e mulleres atopasen o entendemento e non ter que chorar máis vítimas.
Gustaríanos que os contos se fixesen realidade.

Na nosa biblioteca podemos atopar: "O libro dos porcos" e "Rosa Caramelo".

http://www.macromedia.com/go/getflashplayer"/>
http://apps.rockyou.com/link/logo.gif">">

O noso agradecemento ó CEIP Quintela - Moaña por compartir esta entrada con todos nós.

CONTACONTOS

2007-11-16T22:18:00.000+01:00

O mércores pasado, 14 de novembro, tivemos connosco no colexio a Ana e Pablo que, cantando e contando, fixéronnos pasar un anaco ben divertido. Os nenos e nenas de educación infantil escoitamos ben atentos as historias de Nadarín, A toupiña, Oh!, ¿Queres xogar comigo? e Crocodilo. Pablo tamén nos ensinou como son e como soan o clarinete, a pandeireta e a pandeira e ademáis de acompañar coa música os contos que Ana nos ía contando, tocounos unha muiñeira típica de Ordes. A verdade é que nos soubo a pouco ... ¡queríamos máis contos e cancións!

HORA DE LER

2007-11-16T19:34:00.000+01:00

A principios deste curso puxemos en marcha a "Hora de ler" na que participa todo o cole, dende 4º de infantil a 6º de primaria. Lemos todos os días de 12 a 12 e vinte da mañá. Algunhas veces facemos lectura individual silenciosa, outras veces lé a/o profe en voz alta para todos/as, outras veñen mamás ou papás... En cada aula vaise variando segundo conveña, mais, se vos fixades nas fotos, veredes que todas e todos, ben nos estén lendo, ben estemos lendo nós, estamos mooooooi concentrados e atentos. ¡Se ata lle imos coller gusto a esto da lectura!

MAGOSTO

2007-11-16T18:06:00.000+01:00

Como todos os anos por estas datas celebramos o magosto. Durante a semana imos recollendo leña e castañas e o venres pola mañá... primeiro as/os profes van preparando o lume e asando as castañas mentres nós facemos os cucuruchos. Logo todos xuntos temos unha hora de xogos ata que por fín... comemos e tiznámonos ¡que guapos!. Mirade, mirade...

HALLOWEEN!

2007-11-16T18:02:00.000+01:00

On October 31st, British people celebrate Halloween. Here, in our new English class we also tried to celebrate it. We learnt some songs, new vocabulary, traditions... and we did a lot of worksheets with very funny games about Halloween. We decorated the classroom with Jack’o lanterns (made by several students), candles, bats, black cats, skeletons, pumpkins and we had the opportunity to play with an articulated witch. We dressed a big skeleton with a costume and some of us got scared of it.

The teacher also told us a terrifying story and during the tale we had our eyes closed, and chill-out music was played. At the end of her speech she scared us.
In other course, we had to learn the trick or treat song as a condition to get admitted into the classroom.

I think it was very funny and exciting. I hope next year we can repeat the experience.

THANKS TO ALL OF YOU FOR BEING SO ENTHUSIASTIC !

¡XA ESTAMOS NO OUTONO!

2007-11-14T16:10:00.000+01:00

¡Chegou o outono! e así nolo fan saber as rapazas e rapaces de 5º e 6º co mural que colocaron na entrada do colexio. ¿Fixáchedesvos ben nos detalles? ¡Traballaron a reo! Aquí tedes unha mostriña...

E para comprobar os efectos do outono na paisaxe ¿que mellor que fixarse día a día nas árbores do patio e dos arredores? Pero... ¿sabedes os seus nomes? Pois para iso O Departamento de Orientación e Dinamización Lingüística colocou nos corredores da primeira planta a exposición “árbores de Galicia”, na que poderedes atopar gran cantidade de información sobre as nosas árbores autóctonas, froiteiras e de xardín. Só estará durante o mes de novembro pero aquí nos quedará un breve recordo:

Benvid@s!!!

2007-10-17T18:46:00.000+02:00

Ola rapazas e rapaces, aquí estou outra vez, disposto a presentarvos un montón de novidades da nosa biblio! A primeira xa é a que estades vendo... ¡por fin os profes se decidiron a axudarme a montar o blog! (non é sin tempo...!) Espero que me axudedes incluindo as vosas recomendacións, narracións, poesías... en fin, todo o que se vos vaia ocurrindo. ¿Como? Moi fácil: enviándonos un e-mail á nosa dirección de correo: biblioleo@gmail.com e nós xa nos encargamos de publicalo. Tamén podedes escribir as vosas opinións sobre as publicacións picando en "Comentarios".

E agora déixovos cunha pequena presentación dos nosos invitados do curso pasado.

Unha aperta do voso amigo Leo.